終於唔駛排隊 御好燒 & 文字燒 // K11 道頓堀御好燒專門店

冇錯係終於唔駛排隊!!!!!!!!!!!!!!!!!!!

道頓堀御好燒專門店 由開業前已經一直留意住，最吸引既莫過於有 文字燒 !!!!!

自從上年係淺草食完文字燒之後一直念念不忘，可惜香港真係搵唔到有地方食得到，而且近排都未有機會去東京食，而位於 K11 呢間專門店雖然係主打御好燒，但同時竟然有文字燒供應!!! 由有消息到開業直到今日，講左好耐好耐終於有機會去食

其實已經多次特登行去想食，但門口條人龍實在長得非常緊要，等100張籌 / CUT 籌 不在話下，加上拎左籌都未必有機會入座

今日，5月15日，決定開門後30分鐘就去到 尖沙咀 K11，店內已經坐滿 (咁即係d人係營業前已經係門口排?????)  排隊係第3張 ^_^ #003

好抱歉太興奮我連店面 Menu 都冇影到............

被安排坐係 4人位，其實係因為鐵板大細係岩岩好4人座位，而且亦冇可能同其他人share一塊鐵板

分別叫左 文字燒 & 御好燒 既豪華七品 ($108 @1)

首先係期待已久既文字燒~  經過係淺草見過日本人師傅親手炮製既文字燒，我亳不猶疑就將我記得既步驟做番一次出黎

粉漿湯係位於最底既，首先倒油，將面層所有材料倒落鐵板上面，用大鏟切碎，切到咁上下再係中間挖窿窿，分3次將粉漿湯倒落去，等到半凝固就食得啦 <3 <3

唔知道係自己 / 材料份量唔同既關係，日本食既係稀身d，呢面就比較杰身，完成之後就叫店員調低鐵板溫度

用小鏟食， 味道方面日本食既都係濃味d，而且紫薑味重d

大阪燒，由寶寶主理~!!   比起文字燒大阪燒就簡單得多，只需要撈好所有材料，一次過倒落去，用大鏟整成圓餅形，燒5分鐘，反轉再燒5分鐘

最後淋上燒汁+蛋黃醬+紫菜碎+鰹魚碎就食得

大功告成

雖然份量唔多，但全部澱粉質都飽肚架

月尾就去東京啦 <3 到時一定要去番淺草食 <3<3

朗豪坊喵喵展 [喵民]

朗豪坊由8月4日至9月4日於4樓通天廣場內舉行左名為 [喵民] 既展覽，作為一個貓奴一定要去朝聖呃下like 😉

經扶手電梯到達4樓，第一個spot😺 正前方出現一隻巨型灰白色喵喵，喵喵舉起肉球，可以企係喵手下面俾喵喵摸頭影相

除左巨型貓貓下，展覽內有其餘5個場景~

[ 喵記士多 ] ，櫥櫃內既肉球糖果，扭蛋機，汽水機全部都幾可亂真 ~~

CAT  Coke ，喵仔檸檬茶

牛扒半自助餐 // Starry Steak House

係旺角周圍唔難見到呢間Steak House既廣告，基本上每條街都見到一個易拉架。主打 牛扒半自助餐 (主食、自助沙律吧、餐湯、小食、餐飲 ) ，以及晚上9時半後入座 主餐牌 75 折。

沙律吧選擇唔多，只有一般粟米、青瓜、車厘茄、沙律菜，少量水果，再配以千島醬 / 沙律醬。小食方面有春卷、薯角。

 唯一值得一提既係火腿薯仔沙律~~ 真係好好食<3

[有優惠] 90分鐘日本極上飛驒和牛ShabuShabu放題 // 盛八

                         

無意中係Openrice見到有優惠 : 原價 $298 澳洲和牛 及 $378 日本飛驒和牛 買一送一 ，優惠只適用於星期一至三~ >LINK HERE< ，至到 2016年6月30日，優惠券要預先print定。

一直以食燒肉為主既我，其實對Shabu Shabu既喜愛程度一般，始終覺得燒肉可以令到靚靚牛既油脂、香味發揮哂出黎先係最好食，但友人成日都講好想食Shabu Shabu，襯放假就立刻去試左~~

既然有Coupon就一於試 $378既日本和牛放題~ 湯底揀左昆布湯， 係等緊煲同埋肉上枱之前，出去出面buffet bar行個圈先~  除左需要落order任叫既肉類之外，呢到既放題仲有其他刺身、前菜、火鍋配料、甜品俾大家任拎~~  前菜有螺肉、中華沙律等等，配料方面蘿蔔、粟米、芋絲 呢D要慢慢煮既配料當然一早拎左番去先啦~  仲有各款丸類、菜類、腸仔、烏冬粉絲等等，非常豐富!!

值得一提既係非常多款揀既醬料調味架~~ 生熟蒜蔥花呢D基本野當然有，除上之外仲有芝麻醬、胡麻醬、麻油、七味粉，一定溝得到自己鍾意既醬料

拎完一堆配料之後~番埋位已經見到最期待既肉類上枱了~ 首先係每樣一份先，食完可以再添加

主角當然係 靚靚既日本和牛，油花分佈得非常平均，而且切得非常薄，6-7秒左右已經放得入口啦~ 簡直可以用入口直溶黎形容，牛味超濃，肉質超滑有種軟綿綿既感覺，全塊牛冇筋既，唔似一般酒樓打邊爐食緊雪花肥牛好似橡筋咁樣咬極都咬唔斷，好好食 <3 加上切得非常薄，食多幾片都冇咁快有飽到滯既感覺，戰鬥力極高~!!

呢個餐除左日本和牛之外，次一級既澳洲和牛、美國進口牛都可以叫既，但我地就冇咁多餘地試埋另外兩款，一於全力進攻 飛驒和牛 。

牛固然係主角，但都無理由成餐淨係食牛牛既。 雞、豚肉都任叫，雞肉超級有驚喜~!!!!  少量鹹味之餘亦帶出雞既甜味，肉質超滑絕對唔鞋口~好食 <3豚肉都係切得非常薄，但略嫌有少少鞋口。

食日式火鍋最怕油膩，飲品任飲之外~ 出面有一個甜品位~仲有乳酪雪糕任食，酸酸甜甜即刻解膩回復戰鬥力繼續食過。牛牛實在太好多，結果全程就淨係食左肉同蔬菜配料，其他腸仔肉丸全部都冇食到。

最後15分鐘為肉類last order，雖然90分鐘感覺上好似好少咁，但其實慢慢食都綽綽有餘。 首先肉類切得好薄，日本和牛更係肉質非常淋，入口即溶一次過食好多都得，而且食太多肉類都會有種飽滯感，唔會驚唔夠飽。最後食埋蘿乳酪雪糕簡直冇得輸~非常滿足既一餐 <3

留意番 :P 埋單原價加一

餐廳名稱；盛八日式放題火鍋店
地址；旺角通菜街1A-J號威達Deli 2商業大廈3樓B室

#2016快閃東京# **避開遊客** ~大阪燒與[[初嘗]]文字燒 // 浅吉

黎到東京既第一日就選擇左慢遊淺草。所謂慢遊，其實都只係盡量避開或者唔逗留太耐遊客區域，反而鑽入去小路後巷睇下行下~~~ 仲見世通俾我既感覺都係太擠逼太嘈吵，周圍都係大媽...orz

由浅草本寺向左行，穿過一堆小寺廟以及石碑後，會見到 花やしき通り。花やしき通り 都係一條商店街，但人流明顯就冇仲見世通咁多，相比起來十分冷清，但慢步小路就有一種好悠閒既感覺~~

行到尾繼續向左行，會見到好多間唔同既小餐廳，對我黎講所謂「小餐廳」 入面只有數個坐位，而且唔會大大隻字係門口貼上簡體字 「提供中英xxxxx餐牌」「裏面有會說中國語的服務員喔」，簡單黎講就係冇太多遊客、冇大媽入去既餐廳 (冇咁易既orz)

有ラーメ拉麵、そば蕎麥麵、天丼、親子丼、刨冰~仲有大阪燒店~!

門口出面有塊小木牌，掛上menu，入面有好多款唔同口味/配料既大阪燒，而且仲有未試過既文字燒~~~~~ 除此之外仲有少少鐵板燒物，但我地入黎就係一心打算食大阪燒~

店裏坐位不多，小店經營~只有一位員工 (應該係老細??)  每張枱上面都放入鐵板製作大阪燒~

大阪燒 お好み焼き方面揀左 店家推介 浅吉天 ，呢個配料最多~ 有魷魚、蝦、豬肉、貝柱、蔥、蛋 ~~

基於我地上次係另一到整大阪燒整到一pat野咁....  今次請老細(?) 侍應(?) 幫我地製作呢份大阪燒~

#2016快閃東京# 攻略世界最濃抹茶雪糕 // 壽々喜園 浅草本店

係香港傳入聲稱全港最濃抹茶雪糕之前，已經留意到東京浅草  壽々喜園 推出左 「世界最濃」既抹茶雪糕～ 今次特登參拜完 浅草寺 後就去試試。

本店營業時間係 10:00 -17:00 ，行仲見世通行到唔記得左時間，我地趕得切係最後一分鐘入到去 ORZ! 地點其實好方便，位於浅草寺後面過兩條馬路就會到。

壽々喜園主打茶類製品，雪糕口味亦以茶類為主~!  玄米茶、紅茶等等~~ 今次黎到當然要試下最出名既「世界第一濃度」!!!

抹茶雪糕共有七種濃度選擇，由NO.1 最淡味 到 NO.7 最濃味，遠遠比起香港多左3款~!!  NO.1 係一般市面上買到既抹茶雪糕，牛乳味偏重相反茶甘味則偏淡

不停地食食食 // 青衣戲棚

2016年既青衣戲棚係 5月11日正式完結，今年分別係 4月18-22日 (真君誕) 及 5月7-11日 (天后誕) 兩段時間舉行。 由於4月果次撞唔岩時間所以去唔到，好好彩5月11日天后誕既最後一日終於都去到啦~!!!!!!!

據知4月22日真君誕最後一日係非常之人山人海~~ 個個都係完結既呢一日黎食野，為左避開人潮 (加上夜晚要去睇毛記台慶)，我地選擇左係下午5點左右去到。事前已經知道有好多野食，一於留番個肚入去食野~~!!

一入到去已經見到「煙火鼎盛」，係好多檔小食店煮緊野食既油煙~最靠近大門口一檔炒緊好香既牛柳粒，仲有原隻大魷魚，雞肉串等等。 超級吸引於是諗都冇諗都即刻要左一份 細牛柳粒 + 兩串魷魚。

可能係靠緊入口既關係，見到佢地都做唔切，等左一陣~ 食得啦

蒜香牛柳粒(細 $30)    好重蒜味 (超鍾意食蒜<3)，牛肉都好淋，但可惜仲有一陣雪味

大魷魚 ( 2 / $30 )  烤得岩岩好又唔會過韌 呢個好好食